Gjykata e Colmarit në Francë ka liruar me kusht kryetarin e AAK Ramush Haradinaj.
Sipas vendimit të dhënë nga trupi gjykues, Haradinajt nuk i lejohet të dalë nga Franca deri në përfundim të procesit.
referuar vendimit të gjykatës së Colmarit, haradinaj duhet të paraqitet në organin procedues dy herë në javë deri sa të jepet një vendim përfundimtar për çështjen.
Avokatja e Haradinajt, Rachel Lindon ka kërkuar nga gjykata lirimin e tij. Avokatja e Haradinajt në fjalën e saj thotë se Serbia është duke bërë lojë me ndalimin e Ramush Hardinajt.
Mbrojtja franceze i ka treguar trupit gjykues se Haradinaj është gjykuar në Hagë ku edhe është shpallur i pafajshëm për akuzat e ngritura nga Serbia.
Por pas shqyrtimit të dokumentacionit, Gjykata e Colmarit vendosi që Haradinaj të lirohet me kusht. Haradinaj u arrestua në datë 4 Janar në bazë të një urdhër arresti ndërkombëtar të lëshuar nga Serbia, ku akuzohet për krime lufte në Kosovë.
/a.m.
