Kryeministri i Kosovës, Ramush Haradinaj deklaron se Gjermania ka konfirmuar edhe njëherë mbështetjen për Kosovën për liberalizmin e vizave.
Kryeministri i është referuar shkrimit të gazetës gjermane “Frankfurter Allgemeine Zeitung” ku shkruhet rreth vendimit të Ministrit të Brendshëm të Gjermanisë për ta mbështetur heqjen e vizave për kosovarët.
Haradinaj thotë se mbështetja është konfirmuar nga ministri i Brendshëm i Gjermanisë, Seehofer i cili e konsideron të justifikueshme kërkesën e kosovarëve për të lëvizur të lirë.
“Gjermania edhe njëherë konfirmon mbështetjen e Kosovës për liberalizimin e vizave. Në publikimin e radhës të FAZ, theksohet mbështetja e Ministrit të Brendshëm të Gjermanisë, Seehofer për procesin e liberalizimit të vizave, duke e konsideruar të justifikueshme kërkesën e kosovarëve për të lëvizur të lirë dhe duke këmbëngulur që Kosova përmbushë kriteret e nevojshme për këtë proces.
Një mbështetje të madhe këtij procesi i ka dhënë edhe deputeti i Partisë së Gjelbër Manuel Sarrazin, derisa në korrik të 2018-tës, Komisioni i BE-së konfirmoi se Kosova ka përmbushur të gjitha kërkesat, e po të njëjtin vlerësim vendi e mori edhe nga Parlamenti Europian. Tani Kosova ka krijuar ekipin e saj për të bashkëpunuar me Qeverinë gjermane, që ky proces të finalizohet sa më parë. Kosovarët, tashmë e kanë marrë PO-në e madhe nga Gjermania, për ta jetësuar të drejtën e tyre për lëvizje të lirë.
Urime Kosovë”, shkruan Ramush Haradinaj.
g.kosovari
