“Happy Birthday” përjashtohet nga e drejta e autorit
Dritat e fikura dhe qirinj përpara fytyrës së atij që ka ditëlindjen. Të pranishmit nisin të këndojnë “Happy birthday”.
Është e njëjta skenë për këdo që ka ditëlindjen në të gjithë botën. Ky ka qenë argumenti i një gjyqtari në Los Angeles, i cili ka hedhur poshtë prentendimin e kompanisë muzikore Warner, që kërkonte të drejtat ekskluzive të këngës “Happy Birthday”.
Sipas gjyqtarit të Gjykatës Federale të LA, George King, kjo kompani muzikore nuk mund të pretendojë të drejtat e autorit për një këngë që u përket të gjithëve.
Versionin origjinal të këngës e kanë krijuar “The Kentucky Sisters” në 1893. Ato e quajtën versionin e tyre “Good Morning to All”, e cila më vonë u bë kënga që gjerësisht filloi të këndohej nëpër ditëlindje, në mbarë botën.
Kjo betejë ligjore nisi në vitin 2013 kur Rupa Marya dhe Robert Siegel kërkonin të bënin një film në lidhje me këngën, por kompania Warner u kërkoi atyre 1500 dollarë për të drejtën e përdorimit në film të “Happy Birthday to You”. Menjëherë Marya dhe Siegel argumentuan se kënga ishte në domenin publik tashmë dhe nuk mund të paguanin asnjë tarifë për të drejtën e autorit. Warner nga ana tjetër pretendonte këtë të drejtë, sepse motrat Mildred dhe Patty Hill të “The Kentucky Sisters” i dhanë të drejtën e melodisë Summy Co, kompani e cila tashmë është blerë nga Warner. Por Marya dhe Siegel kanë vërtetuar se Summy Co kishin vetëm të drejtën e melodisë dhe jo të tekstit.
Për shkak të këtyre argumentave, por edhe të tjerave bindëse, pas dy vitesh betejë ligjore, Gjykata Federale e LA ka vendosur të përjashtojë këngën “Happy Birthday” nga e drejta e autorit.
