Anëtari i Bordit Drejtues të Bindjes Demokratike, Fabian Topollaj, ndërsa ka folur sot në lidhje me Reformën Zgjedhore, ka theksuar se edhe pse e pamjaftueshme hapja e listave është një hap përpara.
I ftuar në A2 CNN, Topollaj theksoi se sistemi ynë zgjedhor ka krijuar disa “pashallarë”, duke iu referuar kështu kryetarëve të partive, të cilët sipas tij marrin çdo vendim.
Hapja e listave sipas Topollajt iu jep mundësinë poleve të treta që të çajnë digën e “dinosaurëve”.
“Hapja e listave pa dyshim që është një gjë e mirë. Qytetarët nuk do jenë të detyruar të votojnë vetëm kryetarët, por deputetët e tyre.
Deputeti ka një pavarësi më të madhe nga kryetari i partisë.
Problemi për ne është se kemi bërë disa pashallarë që marrin cdo vendim.
Po të shikojmë pas në kohë, më parë kemi pasur sistem mazhoritar, ndërsa sot kemi sistem proporcional me lista të mbyllura.
Atëherë ne kemi pasur probleme politike, por qeveritë kanë qënë përfaqësuese të votës popullore, sot për shkak të sistemit ne kemi qeveri dhe njerez anonimë, të vetmin që njohim është kryeministri që merr të gjitha vendimet.
Ndryshimi u jep mundësi poleve të treta për të çarë digën e dy dinosaurëve”-tha Fabian Topollaj.
g.kosovari
