Partia Socialiste ka reaguar për rinumërimin e sotëm të 11 kutive të Lezhës në Komisionin Qendror të Zgjedhjeve.
Ministrja për Marrëdhëniet me Parlamentin, Elisa Spiropali nga selia e PS, është shprehur se rimunërimi i sotëm, tregoi transparencën e zgjedhjeve që u mbajtën më 30 qershor.
“11 kuti u rihapëm, rezultatet tregojnë qartësisht se nuk ka patur asnjë parregullsi, në 10 prej kutive janë të njëjta vota, në vetëm njërën prej tyre figuruan 3 vota të ngatërruara, por nuk kanë shkuar tek kandidati tjetër. Rezultatat rakordojnë në mënyrë perfektë. Shqiptarët e kanë kuptuar shumë mirë hallin e Berishës, Bashës, Metës dhe Kryemadhit. Pavarësisht bojkotit, kërcënimet për zjarr e flakë shqiptarët në masë e refuzuan dhunën”, tha Spiropali.
Ditën e sotme 11 kuti u rinumëruan në KQZ, pas ankimit të bërë nga Eduart Ndocaj.
