Dita e parë e muajit korrik, ashtu siç u premtua nga Autoriteti Rrugor Shqiptar, e gjen autostradën Tiranë-Durrës të hapur, gati për sezonin turistik. Punimet në këtë aks rrugor kanë përfunduar brenda 16 ditësh. Por ky nuk është i vetmi lajm i mirë, pasi me ardhjen e korrikut, ka ardhur edhe dielli. Koha për të shkuar në plazh.
Duket sikur vera nisi sot. Me përmirësimin e infrastrukturës rrugore dhe motin e mirë, kanë qenë të shumtë ata që zgjodhën që t’i drejtohen bregdetit. Besmiri, që në moshën 10-vjeçare ka shitur misra në Gjirin e Lalzit gjatë sezonit veror. Ndryshe nga vitet e tjera dhe sot 19-vjeçar, thotë se për të ky sezon ka nisur sot. Nga kjo e diel ka edhe më shumë efektivë policie për të menaxhuar trafikun drejt Gjirit të Lalzit, zonë shumë e frekuentuar gjatë ditëve të nxehta të verës.
ma.me
