Segmenti rrugor Komuna e Parisit – Rruga e Re Tiranë-Elbasan tashmë do të jetë i hapur duke nisur që nga dita e nesërme. Kjo është bërë e ditur nga Autoriteti Rrugor Shqiptar i cili thekson se që nga data 1 Maj ora 10:00 do të jetë i kalueshëm për të gjithë drejtuesit e automjeteve.
“ARRSH njofton se nga nesër më datë 1 Maj , prej orës 10:00 do të hapet ky segment për qarkullimin e trafikut në pjesën fundore të Unazës së Tiranës, segmenti Kopshti Botanik-Komuna e Parisit. Janë marrë masat e nevojshme për qarkullimin sa më të sigurt në këtë pikë, e cila do vazhdojë të mbetet një pikë, ku mund të kryhen punime të mëtejshme. Përdoruesit e automjeteve të kenë kujdes sistemin e ri të qarkullimit edhe në rrugët ekzistuese (Komuna e Parisit), që është bërë për t’i ardhur në ndihmë lëvizjes më të lehtësuar në këtë pikë të segmentit. Kërkohet që përdoruesit të zbatojnë me kujdes sinjalizimin rrugor. Policia e Qarkullimit Rrugor do të mbështesë ARRSH për hapjen e këtij procesi.” thuhet në njoftimin e ARRSH
Redaksia Online
(JavaNews.al)
