Të gjithë ata që janë të interesuar për studime jashtë Shqipërisë kanë një mundësi të mirë për tu njohur me disa prej institucioneve arsimore cilësore dhe programeve të tyre. Për herë të 6-të, në Tiranë organizohet Panairi “World Education Fair”, duke ju dhënë mundësinë që për dy ditë, nxënësit dhe prindërit e tyre të bisedojnë me përfaqësues të disa prej universiteteve, gjimnazeve dhe kampeve verore nga vende të ndryshme. Panairi do të zhvillohet në Hotel Rogner në Tiranë, në datat 3 dhe 4 Mars, ndërsa në datën 6 Mars ne Grand Hotel Palace në Korçë. Më shumë se 2,000 vizitorë pritet që të vijnë në panair për tu njohur me ofertat e mbi 50 institucioneve arsimore nga e gjithë bota për mundësi studimi në shkollat e mesme, universitete, studime master, MBA, kampe verore dhe përgatitje akademike.
Panairi i Edukimit jashtë Shqipërisë zhvillohet çdo vit në muajin Mars dhe ky është edicioni i gjashtë. Eshtë ngjarja më e madhe në Evropën Juglindore për arsimimin jashtë vendit dhe është me interes të madh për shumë familje shqiptare, të cilët mund përfitojnë duke marrë informacione të vlefshme për sistemet e arsimimit, programet arsimore, kërkesat e pranimit etj. Studentët dhe prindërit i marrin këto informacione direkt nga përfaqësuesit e institucioneve arsimore me asistencën e një përkthyesi për çdo institucion. Çdo vit gjatë panairit regjistrohen shumë fëmijë dhe studentë për kampe verore, kurse gjuhe, shkolla të mesme dhe universitete jashtë vendit. Në ditët e sotme, shumë prindër preferojnë organizimet në grupe, pasi fëmijët e tyre janë më të sigurtë në udhëtimet që do të kryejnë jashtë Shqipërisë. Ndaj në panair do të ofrohen mundësitë e organizimeve në grupe. Për më tepër, fëmijët do të ndihen të sigurtë pasi janë në shoqërinë e moshatarëve të tyre dhe grupi është i ndërtuar dhe udhëhequr nga një kujdestar nga Shqipëria.
Disa nga shkollat e mesme që do të vijnë për panairin janë: shumë shkolla nga SHBA dhe Anglia, të cilat do të ofrojnë bursa deri në 50%: CATS Colleges, Abbey DLD, Cambridge International College, D’Overbroeck’s – kolegj elitar në Oxford. Gjatë panairit do të shpallen gjithashtu bursa të veçanta deri në 40% nga Integral. Në panair do të jenë dy shkolla gjermane – Berlin Brandenburg dhe Salem si dhe 2 shkolla nga më të mirat në Shqipëri.
Në panairin e këtij viti do të ketë përfaqësues të universiteteve nga vende si Kroacia, Vendet Balltike, Bullgaria, Greqia, Italia, Kosova, Zvicra, Hollanda, Mbretëria e Bashkuar dhe Shtetet e Bashkuara të Amerikës. Ndër më të njohurat janë Swiss Education Group, The Hague University, Rotterdam Business School, Coventry, American University in Bulgaria.
Organizatori i panairit, Integral Educational Programs ka më shumë se 24 vite përvojë në fushën e konsulencës për studimet jashtë vendit. Të pranishëm në Shqipëri që prej 2011, Integral është kompania më e madhe e këshillimit dhe përfaqëson më shumë se 300 institucione të njohura në mbarë botën.
ma.me
