Ministria e Punëve të Jashtme e Shqipërisë ka nisur edicionin e dytë të konkursit fotografik në mediat sociale titulluar “#ColoursofAlbania”. Ky konkurs fton të gjithë shqiptarët anembanë të marrin pjesë nëpërmjet fotografive për të promovuar bukuritë e Shqipërisë. Fotot mund te postohen ne Instagram nën hashtagun #ColoursofAlbania.
Ky konkurs zhvillohet në kuadër të diplomacisë publike dixhitale, e cila ka si synim te përdorë në mënyrën më të mirë të mundshme, të gjitha platformat online, për të promovuar bukuritë e jetës se përditshme në Shqipëri.
Tema e konkursit do të jetë i lire duke filluar me traditën, kulturën, artin, jetën në qytet dhe fshat, natyrën dhe punën.
Konkursi ka nisur ne date 27 maj dhe do te zgjasë deri ne datën 31 korrik. Të gjithë të apasionuarit ndaj fotografisë, natyrës, artit dhe kulturës mund të jenë pjesë e kësaj nisme, duke u shndërruar në ambasadorë të vërtetë të vendit.
Pjesëmarrja në të është e lehtë e kriteret që ve ministria janë të pakta:
- Fotografoni bukuritë e Shqipërisë;
- Shënoni vendin ku keni bërë fotografinë (duke bërë “CHECK IN”)
- Publikoni fotografitë në profilin tuaj në Instagram, Facebook ose Tëitter me hashtag #CouloursofAlbania;
- Bëni TAG profilin e nismës në Instagram @ColoursofAlbania;
- Bëni TAG në Facebook @Colours of Albania.
- Mund të dërgohen edhe fotografitë e publikuara muaj më parë, mjafton të vendoset hashtag #ColoursofAlbania.
Në fund te konkursit do të ketë disa fitues (Vendi i parë; dy vende të dyta; tre vende të treta) të cilët do të ftohen të marrin pjesë në ekspozitën e fotografisë dhe aktivitetet që do të zhvillohen në kuadër të nismës #ColoursofAlbania, ndërsa fotografitë më të mira do të përmblidhen në një album që do të shpërndahet në të gjitha përfaqësitë shqiptare nëpër botë dhe do të përdoret si dhuratë simbol i Ministrisë së Punëve të Jashtme, citohet “GazetaExpress”. (b.an)
