Që nga fillimi i Ditës Kombëtare të Mbjelljes së Pemëve më 12 mars 1979, Kina ka bërë hapa të jashtëzakonshëm në pyllëzimin dhe restaurimin ekologjik, veçanërisht vitet e fundit, duke forcuar angazhimin e saj për zhvillimin e gjelbër dhe qëndrueshmërinë mjedisore.
Në vitin 2024, në Kinë u mbollën 4.45 milionë hektarë pemë, duke e çuar mbulimin pyjor të vendit në mbi 25 për qind, ndërsa vëllimin i përgjithshëm i rezervës pyjore i kalon 20 miliardë metrat kubë. Sipërfaqja e pyllëzuar në Kinë arrin mbi 773 milionë hektarë, duke e bërë vendin me rritjen më të madhe të mbulimit të gjelbër globalisht.
Përqindja e ditëve me cilësi të mirë të ajrit në shkallë vendi arriti në 87.2 për qind dhe raporti i seksioneve ujore sipërfaqësore me cilësi të mirë arriti në 90.4 për qind. Gjithashtu, u restauruan 3.22 milionë hektarë kullota dhe u trajtuan 2.78 milionë hektarë tokë e shkretëtirëzuar dhe shkëmbore. Një “brez i gjelbër” që shtrihet mbi 3 000 kilometra qarkon shkretëtirën Taklimakan në Rajonin Autonom të Xinjiang-Ujgurit të Kinës Veriperëndimore.
Programi i Brezit të Mbrojtjes Pyjore “Tre Veritë”, që ka nisur në vitin 1978 dhe është nisma më e madhe e pyllëzimit në botë, synon të ndalojë shkretëtirëzimin në Veriperëndim, Veri dhe Verilindje të Kinës (të quajtur përmbledhtas si “Tre Veritë”). Në vitet e fundit, qeveria ka investuar 32 miliardë juanë (rreth 4.4 miliardë dollarë) lidhur me këtë program, duke mbështetur 287 projekte ekologjike dhe 58 baza fidanishtesh. Rreth 3.8 milionë hektarë tokë u trajtuan vitin e kaluar në kuadër të programit. Këto përpjekje janë thelbësore për stabilizimin e ekosistemit të rajoneve të thata.
