Bastian Schweinsteiger është përfshirë në listën prej 25 lojtarësh të federuar nga Manchester United për sezonin që sapo ka nisur. Ish-kapiteni i Gjermanisë nuk ka qenë i grumbulluar në asnjë prej ndeshjeve të deritanishme dhe trajneri José Mourinho e la të stërvitej me skuadrën e dytë.
Klubi e nxori në shitje, por gjermani e bëri të qartë se nuk dëshironte të ndryshonte skuadër, edhe pse kishte disa të interesuar, duke theksuar se nuk kishte probleme me trajnerin dhe se do të ishte gati kur ai ta kërkonte.
Schweinsteiger u mor vitin e kaluar nga trajneri Louis van Gaal, por dëmtimet e shumta nuk e lanë të shprehej, duke munguar në pjesën më të madhe të ndeshjeve.
Manchester United ka konfirmuar sot se gjermani është midis 25 lojtarëve të gatshëm, por për t’u aktivizuar me siguri që do t’i dihet të presë që Mourinho të ndryshojë plotësisht mendje, ose të ketë ndonjë krizë dëmtimesh.
d.i.
