Piloti holandez i Red Bull, Max Verstappen ka befasuar të gjithë me komentet në lidhje me kampionin e botës në fuqi Lewis Hamilton.
“Nuk ka asgjë të veçantë, nuk është special siç thonë. Unë nuk jam përqendruar te ai. Në këtë sport ka shumë pilotë të tjerë të mëdhenj që janë në gjendje të korrin rezultate të mira”, tha Verstappen për revistën “Motorsport”.
Sipas Verstappen fitoret e britanikut janë të lidhura me makinën Mercedes, që dominon mbi të tjerat se sa më aftësitë e pilotit.
“Sot gjithçka varet nga makina. Ai ka patur në dispozicion makinën më të mirë. Nuk mendoj se në këto vite ka ndjerë presionin e shokut të skuadrës, që ka një makinë të njëjtë si ai. As në vitin 2016 kur u mposht nga Rosberg”, tha Verstappen.
/a.r
