Politologu Roland Lami, i ftuar në emisionin ” Real Story” tha se Sali Berisha problemi me “non grata” të caktuar nga DASH e ktheu në çështje të Partisë Demokratike.
Ai theksoi se Sali Berisha bëri dy autogola, të cilët sipas tij do t’i kushtojnë në aktivitetin politik.
“Problemi i Berishës u kthye problem i PD, në kupton që hapja e çështjes gjyqësore ndaj Sali Berishës, automatikisht e bënte Berishën të kishte kundërreagim dhe kundërreagimi ishte duke tundur kartën e pafajësisë dhe duke e baltosur institucionin e drejtësisë. Berisha në të drejtën e tij duke tentuar të mbrohet përdor dy taktika; e etiketon akuzën si politike siç e thatë dhe ju dhe institucionin e baltos. Halli i Berishës duke u klasifikuar si “non grata” u kthye hall i PD, i cili nga një aleat strategji që konsideronte SHBA filloi duke manipuluar dhe duke lëvruar teza, të cilat binin në kundërshtim me perceptimin që ka publiku këtu mbi besueshmërinë mi rolin që kanë aleatë në procesin demokratike të vendit. Janë këto dy autogola, që burojnë nga z. Berisha”, tha ai
