Holanda po vuan nga një problem serioz, por tejet të pazakontë – nuk ka mjaftueshëm të burgosur për të mbushur burgjet e saj. Të dhënat nga Ministria holandeze e Drejtësisë kanë sugjeruar së fundmi se shkalla e përgjithshme e krimit do të bjerë për 0.9 për qind në vit brenda pesë vjetëve të ardhshme.
Madje shume burgje ne Hollande jane kthyer ne Hotele luksoze, sic tregojne edhe fotot
Duke qenë se një e treta e 13.500 qelive të saj të burgut nuk janë të mbushura, kjo do të thotë se pesë burgje do të përballen përfundimisht me mbyllje, ndërsa unioni i punëtorëve të burgut (FNV) ka frikë se mbi 1900 punonjës do të humbasin vendet e tyre të punës.
“Më shumë se një e treta e burgjeve nuk janë duke u përdorur dhe parashikimet flasin se gjërat vetëm sa do të bëhen edhe më keq”, ka thënë Jaap Oosterveer, një zëdhënës i Ministrisë së Drejtësisë.
“Pa dyshim, nga perspektiva sociale, kjo gjë është e mirë për shkak se shkalla e krimit ka rënë, mirëpo nëse jeni një person që punon në burgje, atëherë ky nuk është aspak lajm i mirë”
