Përmes një deklarate për shtyp, nënkryetari demokrat i komisionit për reformën në drejtësi, Eduard Halimi, ka përshëndetur Komisionin e Venecias duke shtuar se drafti përfundimtar i tyre i dha të drejtë shqetësimeve të opozitës.
Halimi vë theksin tek fakti se tashmë ka ardhur koha për një tryezë politike ku të ulen të gjitha palët për zgjidhjen me konsensus të mosmarëveshjeve.
“Sot Komisioni i Venecias ka miratuar draftin e Opinionit të shpërndarë pak kohë më parë.
Falenderim i jashtëzakonshëm për profesionalizmin, paanesinë dhe parimet themelore që përshkruan bashkëpunimin gjatë këtyre muajve me Komisionin të Venecias. Falenderim eksperteve të PD për përkushtimin dhe profesionalizmin që përshkroi gjithe këtë proces.
Venecia i cilësoi si legjitime shqetësimet e opozitës për kapjen politike, dhe ka rekomanduar cmontimin e kapjes. Venecia ka rekomanduar që palët politike të arrijnë një konsesus bazuar në parimet dhe kriteret e Venecias.
Ndihemi të inkurajuar që cështjet e ngritura në shtator 2015 nga opozita, të ringritura në Janar e Shkurt 2016, janë cilësuar si legjitime dhe i janë lënë marrëveshjes politike për tu dakordësuar. Koha që palët politike të ulen dhe të vendosin për të gjitha cështjet politike, bazuar në një dialog politik të sinqertë, bazuar në parimet dhe kriteret e Venecias.”- thotë Halimi.
