Deputeti i Partisë Demokratike dhe njëherës anëtari i Komisionit të Posaçëm parlamentar të Reformës në Drejtësi, Eduart Halimi apelon që çdo ekspert apo jurist që të japë opinionin e tij për këtë reformë.
Përmes një statusi në Facebook, Halimi fton të gjithë ata që mund të japin kontribut për këtë çështje.
“Secili prej jush që mendon se mund të kontribuojë në këtë proces, të japë opinionin e vet, sugjerimin e tij konkret për këtë reformë të rëndësishme, apo duke e menduar veten e tij një ditë deputet të Kuvendit mund të më shkruajë adresën e emialit”.
Duke e konsideruar shumë të rëndësishme finalizmin e një reformë të tillë, Halimi shkruan se kushdo që kërkon të japë impakt ta japë tani, këtu ose në çdo tryezë, forum apo takim konsultues.
“Të dashur miq, kolegë, juristë të rinj apo me përvoje të gjatë, avokatë, gjyqtarë, prokurorë, noterë, përmbarues, ekspertë te të drejtave të njeriut e studentë! Partia Demokratike po përgatit platformën e saj të plotë të reformës në drejtësi. Secili prej jush që mendon se mund të kontribuojë në këtë proces, të japë opinionin e vet, sugjerimin e tij konkret për këtë reformë të rëndësishme, apo duke e menduar veten e tij një ditë deputet të Kuvendit mund të më shkruajë në këtë adresë, ne email: eduardhalimi@gmail.com në numrin tim të telefonit me sms, apo ëhatsapp: +355692082006.
Mendojeni veten një ditë deputet sikur të ishit në vendin tim dhe me shkruani për reformën. Eshte kaq e rëndësishme që kushdo që kërkon të japë impakt ta japë tani, këtu ose në cdo tryeze, forum apo takim konsultues. Heshtja dhe qëndrimi pasiv, nuk ndihmon askënd, për një proces kaq të rëndësishëm për të ardhmen europiane të vendit”, shkruan Halimi në Facebook.
