Në festën e 26 vjetorit të themelimit të PS është i pranishëm edhe dr. Halim Kosova, i cili ka ardhur si përfaqësues i PD-së në këtë festë. Kryetari i PS-së Edi Rama me këtë rast ka uruar dr. Kosovën për praninë e tij në këtë festim, duke nënvizuar se është përfaqësimi më sinjnifikativ që ka zgjedhur për PD për të sjellë dr. Kosovën në këtë festë.
“Kam një urim të veçantë për dr. Halim Kosovën që është këtu si përfaqësues i PD-së”, ka nënvizuar Rama, i cili ka shtuar jo pa humor se ky eshte viti i pare qe PS feston 26 vjetorin e themelimit ne nje dite me ditelindjen e kryetarit te PD, Basha.
Kosova ka pasur edhe një dhuratë për Ramën paksa provokuese. Ai i ka dërguar këtë album veprash arti me mbishkrimin “70 vjet Monument i Jetës”. Kështu, sipas Kosovës, PS është vazhdim i Partisë Komuniste, që qeverisi për 45 vjet. Por Kosova nuk shpëtoi nga Rama, pasi kryeministri e ngacmoi gjatë fjalës së tij.
“Falenderoj Halin Kosovën për praninë e tij. Me gjithë respektin për profesor Halimin që është këtu më të mirë se ne nuk ka. Për të mos filluar këtu për fjalimet e fushatës elektoralë, se po qe se do të votonim këtu vetëm një votë kundër do të kishim”, tha Rama.
Halim Kosova ishte kandidat i PD-së për kryetar të Bashkisë së Tiranës, përballë Erion Velisë, garë e cila u fitua nga ky i fundit. Ajo që spikati në fushatën mes Kosovës dhe Veliajt ishte niveli emancipues i debatit mes këtyre dy kandidatëve.
ma.me
