Kandidati i PD për Tiranën, Halim Kosova, në fjalën e tij të mbajtur në Pallatin e Kongreseve tek hapej fushata e Partisë Demokratike për vendoret e 21 qershorit, sulmoi sot kandidatin e së majtës, Erion Veliaj.
Në mënyrë jo të drejpërdrejtë, pas shumë akuzave të bëra nga Berisha ndaj Veliaj për afera në kohën kur ishte aktivist i MJAFT, Kosova tha se ka ardhur fundi i MJAFT-istëve.
Sipas Kosovës, puna e ndershme është ajo që e udhëheq atë. Ai deklaroi se nukdi të tërheqë militantë por të punojë për të gjtihë.
Kosova nuk foli asnjë moment për ndonjë projekt konkret, por parimisht tha të gjitha ato që janë thënë deri më tani nga të gjithë kandidatët në të gjtihë vendin.
Nga ana tjetër, Kosova tha se Basha ka bërë një punë të jashtëzakonshme në qytetin e Tiranës.Ajo që bie në sy në këtë fjalim të Kosovës, është se në asnjë moment nuk foli siç flet çdo ditë me qytetarët, por këtë herë ishte i ashpër, akuzues dhe politikan në premtime duke mos hyrë në gjëra konkrete.
