E ka pasur Edi Rama zv.kryetare, tani mund ta ketë Kosova. Fjala është për Albana Dhimitrin, një emër të njohur në menaxhimin e Tiranës në vitet e shkuara. Kandidati demokrat ka thënë përballë Ilva Tares, se në rast fitoreje, ai do të marrë pranë vetes si zv.kryetare bashkie pikërisht Albana Dhimitrin. Ja çfarë tha Kosova:
Halim Kosova: Unë kam premtuar që do t’ia kthej Tiranën qytetarëve dhe them që do të votojnë jo vetëm demokratët, por edhe socialistët e ndërshëm, ato që janë pa parti dhe ato që besojnë tek ndershmëria dhe nëse ju them një emër dhe nuk ma merr për ters asnjeri, përshembull Albana Dhimitri që e propozonte PS-ja, unë me shumë kënaqësi e kisha marrë sepse e vlerësoj shumë, përshembull po them, nënkryetare.
Ilva Tare: Duhet të pyesni partinë për këtë.
Halim Kosova: Unë jam i sigurtë që partia ka menduar që Halimi do mendojë më të mirën dhe unë do konsultohem por prapë vendimin dge përgjegjësinë e kam marrë vetë, dhe e kam marrë vetë me forcat e mia dhe me njerëzit që do vë unë përbri.
