Një grua xheloze në Indi është arrestuar me dyshimin se kishte punësuar pesë burra për të përdhunuar në grup një grua me të cilën dyshonte se burri i saj kishte lidhje jashtëmartesore.
Sipas mediave të huaja, krimi i tmerrshëm ndodhi në koloninë Sriramnagar në Kondapur, ku një grua dyshohet se mashtroi “rivalen” e saj përpara se të filmonte aktin për të shantazhuar viktimën. Ky rast ka shkaktuar zemërim në popullatën e vendit.
Policia ka thënë se janë arrestuar gjashtë persona, mes tyre bashkëshortja dhe pesë burrat që ajo kishte punësuar për përdhunimin. Sipas autoriteteve, viktima u takua me burrin në punë dhe më pas asaj iu kërkua të qëndronte në shtëpinë e çiftit për shkak të shëndetit të dobët të gruas. Viktima ka jetuar me çiftin nga tetori 2021 deri në shkurt 2022.
Megjithatë, gruaja dyshoi se ajo kishte një lidhje me burrin e saj, duke e bërë atë që të hartonte një plan makabër. Viktimës iu kërkua të vizitonte shtëpinë e çiftit për të diskutuar tërheqjen e një ankese policore për aferën e dyshuar nga prilli i këtij viti.
Megjithatë, rivalja më pas u mashtrua për të shkuar në një dhomë tjetër, kur ajo u sulmua mizorisht nga 5 burrat e punësuar. Mësohet se krimi është filmuar edhe nga gruaja xheloze në celularin e saj, e cila e kërcënoi viktimën se një video e përdhunimit do të ngarkohej në rrjetet sociale nëse ajo ia tregonte ngjarjen dikujt.
Viktima u dërgua me urgjencë në spital pas sulmit dhe familjarët bënë denoncimin në polici, duke çuar në arrestimin e autorëve./m.j
