Jeton Vërbani, i riu i cili para një viti postoi një video tek godiste bustin e Skëndërbeut është keq. Atij I është thyer hunda. Nuk dihet nëse e ka rrahur dikush apo i ka ndodhur ndonjë incident, transmeton Express.
Ata që e përdhosën bustin e Skënderbeut në Kacanik janë anëtarë të shoqatës “Rinia Islame Kaçanik”, një shoqatë e dalë nga shoqata tjetër “Parimi”, e që për drejtor e ka xhihadistin Lavdrim Muhaxheri e për zëvendës Ilir Berishën, i arrestuar javën që shkoi për terrorizëm.
Arben Berisha e Jeton Vërbani i nga Kaçaniku mund të bëhen të famshëm dhe atë me vetëm një video në youtube. Arbeni është personazhi tashmë i famshëm që godet bustin e Skënderbeut në Kaçanik, kurse jetoni “kameramani” i tij.
Express merr vesh se ata sot i ka shoqëruar Policia e Kosovës, e cila ka konfirmuar nisjen e hetimeve në këtë rast.
Express ka raportuar kohë më parë për Kaçanikun, si një vatër e xhihadistëve.
Javës që shkoi atje u zhvillua një aksion policor për kapjen e të dyshuarve për terrorizëm dhe rezultoi me arrestimin e dy personave nga Kaçaniku, e dy nga Hani i Lezit, të dyja qyteza nën ndikimin e hoxhallarëve ekstremist të Maqedonisë.
Dy personat që sot janë shoqëruar nga policia për përdhosjen e bustit të Skënderbeut, sikurse personat që javën që shkoi u arrestuan për terrorizëm, janë njerëz që janë parë shpesh në aktivitete e Bashkësisë Islame të Kosovës (BIK), dega në Kaçanik që drejtohet nga Florim Neziraj.
Gazeta Express ka publikuar fakte që e lidhin fort BIK’un, që drejtohet nga Naim Tërnava, me organizata të dyshimta. Gazeta ka shkruar për ndërtimin e xhamive të BIK-ut nga “Al-Waqfu El-Islami”, një organizatë që e ka financuar në të kaluarën organizatën terroriste Al-Kaida.
Express
