Zbulohen detaje të reja nga plagosja e pronarit të një klubi të famshëm nate në kryeqytet. Gazetarja e ‘News24’, Dorjana Bezat konfirmon për ‘BalkanWeb’ se plagosja e Artur Aligjonin, pronar i lokalit ‘Arena’ mëngjesin e sotmë dyshohet të jetë një mesazh, pasi para dy muajsh ai akuzohet se ka plagosur me thikë një djalë nga Kamza.
Asokohe policia e shpalli në kërkim 45-vjeçarin për plagosjen e Halim Hysës, ndërsa në prokurori vepra penale u klasifikua plagosje e lehte dhe çështja u mbyll. Fill pas ngjarjes së sotme, në polici janë shoqëruar si të dyshuar Halim Hysa dhe i vëllai i tij.
PLAGOSJA E ALIGJONIT
Ngjarja ku mbeti i plagosur Artur Aligjonin ka ndodhur rreth sot orës 04:35, në rrugën ‘Ismail Qemali’, në zonën e ish-Bllokut. Të njëjtat burime theksuan se i Aligjoni fatmirësisht ndodhet jashtë rrezikut për jetën, ndërsa dyshohet se hakmarrja mund të jetë pista ku po hetohet ngjarja.
SHERRI ME THIKA NË KRYEQYTET 3 MUAJ MË PARË
31-vjeçari Halim Hysa mbeti i plagosur pas një sherri me thika në 27 shtator të vitit të kaluar, ndërsa autor i ngjarjes dyshohet të jetë 45-vjeçari Artur Aligjonin. Ngjarja ndodhi rreth orës 00:30 të datën 27 shtator afër zonës së Bllokut në Tiranë. Burime nga policia asokohe bënë me dije për ‘BalkanWeb’, se Hysa ishte i shoqëruar me një të njohurin e tij në momentin që është qëlluar me thikë në brinjë nga 45-vjeçari.
Halim Hysa, i plagosuri
