Një pushuese gjermane ka rënë pre e hajdutëve në Syrin e Kaltër në Sarandë ku kishte zgjedhur të shijonte këtë bukuri të rrallë të natyrës shqiptare.
Pushuesja 59-vjeçare me inicialet F.M me banim në Gjermani, kishte parkuar automjetin e saj tip Benz tek Syri i kaltër, kur në kthim ka konstatuar se i kishin vjedhur çantën e shpinës me rroba. Po ashtu, ajo kishte në makinë edhe një kamer të markës “Olimpia” dhe 200 euro. Policia e Sarandës thotë se po punohet për identifikimin dhe kapjen e autorit.
Ndërkohë, një tjetër vjedhje në makinë ndodhi më 29 gusht në mëngjes, në lagjen numër 1 të qytetin të Sarandës, ku një pakujdesi në sigurimin e makinës i ka kushtuar një 28-vjeçari.
I riu me incialet A.R banues në Sarandë, ka bërë kallëzim se ka parkuar mjetin tip “Golf” me xhamin e dritares të hapur dhe kur është kthyer, ka konstatuar se i kanë marrë disa mjete pune me vlerë 50 000lekë.
Edhe në këtë rast, blutë e Sarandës po punojnë për identifikimin dhe kapjen e autorit. /b.d
