Marrëveshjen e firmosur më Partinë Socialiste, Rudina Hajdari e ka cilësuar si një fitore të madhe. Deputetja e djathtë tha se ky hap u jep të drejtën qytetarëve të zgjedhin përfaqësuesit që ata duan.
“Ky është një hap përpara për demokracinë shqiptare. Po hedhim këtë hap sot në këtë ditë, për ndryshim. Ajo që është dukur para shqiptarëve si një gjë jo e mundur, eshte premtim i mbajtur. Unë jam premtimmbajtëse. Këtë e bëj me një përgjegjësi të lartë. Nëse jemi sot këtu falë qytetarëve. Kjo ditë historike, u bë një moment i rëndësishëm për Shqipërisë. U hodhën hapa drejt Demokracisë. I bëj thirrje opozitës jashtëparlamentare që t’i bashkohet këtij treni të së ardhmes. Opozita jashtë Kuvendit t’i bashkohet këtij treni” – tha Hajdari.
Ajo refuzoi të përgjigjet nëse kjo marrëveshje ishte e diktuar nga ndërkombëtarët.
Sot tre grupet parlamentare të opozitës firmosën për të dhënë votën e tyre për marrëveshjen e 5 qershorit, në kembim të dakordësisë së mazhorancës për të hapur listat.
/javanews/a.r
