Komisioneri Johanes Hahn ka hedhur poshtë akuzat e opozitës së BE ka vendosur kushte shtesë për Shqipërinë për hapjen e negociatave.
Gjatë një konference për shtyp me kryeministrin Edi Rama, Hahn theksoi se nuk ka asnjë kusht të ri.
Hahn bëri thirrje që institucionet të mos humbasin asnjë ditë, por t’i futen punës.
“Njerëzit janë me pushime, por jo institucionet“, tha Hahn, ndërsa konfirmoi edhe një herë hapjen e negociatave qershorin e ardhshëm
“Nuk po fusim asnjë kusht të ri, ajo që po bëjmë është një proces i cili është zhvilluar në çdo vend tjetër kandidat. Sepse në fillim të këtij procesi na duhet të identifikojmë ku qendron vendi në legjislacionin e vet krahasuar me legjislacionin europian
Vettingu psh, ishte një element thelbësor me rëndësi në kuadër të fushës të së drejtës. Por është një pjesë e mozaikut. Ajo që po bëjmë është të kryejmë një proces gjithëpërfshirës se ku qëndron vendi.
Kjo është arsye që e theksoj se sa më e mirë të jetë cilësia e këtij procesi analitik, sa më shumë të paraprihet dhe të bëhet, do të jetë më mirë për nisjen e negociatave për secilin kapitull. Është një gjë që duhet bërë me çdo vend. Nuk është një qasje e posaçme. Mos humbni asnjë ditë, nisin sa më parë të jetë e mundur. Njerëzit janë me pushime, por jo institucionet.”, deklaroi Hahn
Javanews/a.ç
Hahn thirrrje opozitës: Votoni ligjin për magjistratët! Katastrofë nëse mbeteni pa gjyqtarë!
