Komisioneripër Zgjerimin i BE, Johannes Hahn deklaroi se hapja e negociatave të pranimit me Maqedoninë e Veriut është në vetë interesin e Bashkimit Evropian.
Ai shtoi se nëse nuk arrihet të shpërblehet marrëveshja historike e Prespës dhe përpjekja e madhe për reforma, do të dëmtohet fuqia atraktive që unioni ka mbi Ballkanit Perëndimor.
“Ne duhet të përmbushim angazhimet tona, ashtu siç po i përmbush Maqedonia e Veriut për reformat që kemi kërkuar. Është në interesin tonë të përbashkët “, tha Komisioneri për Zgjerimin në konferencën e bisedimeve ekonomike të Vienës – perspektiva e re për Maqedoninë e Veriut.
Ai gjithashtu vuri në dukje se vendi është gati të bëhet një anëtar i NATO-s dhe në prag të hapjes së negociatave të pranimit me Bashkimin Evropian.
“Qeveria ka ndërmarrë hapa të mëdhenj për të përparuar në rrugën e saj euroatlantike. Greqia ishte vendi i parë që nënshkroi protokollin e pranimit në NATO, gjë që çoi në hyrjen në fuqi të marrëveshjes së Prespës. Procesi i anëtarësimit në NATO është në vazhdim dhe e ankoron vendin si një partner i besueshëm në forcimin e sigurisë, stabilitetit dhe prosperitetit të rajonit dhe më gjerë.
Nëse nuk arrijmë të shpërblejmë marrëveshjen historike të Prespës dhe përpjekjet e mëdha të reformave në Maqedoninë e Veriut do të dëmtojmë fuqinë e tërheqjes që BE ka mbi fqinjët e saj dhe Ballkanin Perëndimor në veçanti. Nxitja e anëtarësimit në BE do të humbasë levën e saj dhe kjo do të jetë një goditje e madhe për dialogun Beograd – Prishtinë dhe në përpjekjet e BE për të eksportuar stabilitetin në rajon. Në vend të kësaj, ne do të krijojmë një vakum të madh që lojtarët e tjerë janë shumë të prirur për të eksploruar, “, theksoi komisioneri Hahn.
