Trajneri i Bolonjës Rossoblu Sinisa Mihajlovic është diagnostikuar me leucemi. Mihajlovic është i detyruar t’i thotë lamtumire për pak kohë drejtimit të ekipit të Bolonjës.
Tekniku foli në një konferencë shtypi për të sqaruar gjendjen e tij shëndetësore dhe historinë që shqetëson të gjithë Serie A dhe në veçanti Bolonjën.
“Kam kërkuar konfidencialitet sepse kam dashur të jem i pari që jap lajmin. Për fat të keq jo të gjithë e kanë respektuar këtë dëshirë. Për fat të keq, ose për fat të mirë, bëmë disa analiza dhe zbuluam anomali që ishin aty 4 muaj më parë. Kam leuçemi. Kam kaluar natën duke qarë dhe madje tani kam lot, por nuk kam frikë: që nga e marta do të shkoj në spital dhe nuk mund të pres që të filloj të luftoj për tu shëruar. I shpjegova lojtarëve të mi se unë do të luftoj për të fituar ndërsa i mësova ata të bëjnë të njëjtën gjë në fushë. Unë do të fitoj këtë sfidë, nuk ka dyshim “, deklaron Mihajlovic. Java News/ l.m
