Një nga ish-të dashurat e Dodi Fayed ka treguar se si e la atë kur filloi të kishte dyshime se ai po e tradhtonte me Princeshë Diana. Tani ajo është e shqetësuar nëse ky veprim i saj ka luajtur një rol në vdekjen e tyre.
Gruaja në fjalë është ish-modelja, Annie Cardone, e cila ka thënë:
“Vendimin e mora në atë moment, në fillim të verës 1997, pak para se të dilnin në publik… Nëse do t’i jepja një mundësi tjetër, a do të kishin qenë gjërat ndryshe? A do të kishte ndryshuar historia? Kjo është një barrë përgjegjësie që unë ndjej se e kam. Kur e pashë për herë të fundit, ai po lutej për një mundësi tjetër. Ai po qante. Ai qante. Ai më thoshte se më donte dhe ishte tepër e vështirë ta shihje atë të tillë. Unë ende mbytem për këtë”.
Dodi ndërroi jetë në moshën 42-vjeçare në një aksident automobilistik në Paris, së bashku me Diana-n. Vdekja e tij erdhi vetëm disa muaj pasi ai dhe Annie u ndanë.
Cardone ka folur për jetën e saj me Dodin për “The Sun”. Tani ajo është 57 vjeçe dhe jeton në Canterbury, Kent.
“Ai ishte tepër i prekshëm, i dashur dhe i ëmbël. Ishte shumë pasionant dhe intensiv”, ka kujtuar Annie.
Kjo e fundit e pranoi se fillimisht ishte e “mërzitur” kur zbuloi se ai po dilte me Princeshë Diana. Sipas Annie, Diana nuk dinte asgjë për të. Ajo ka shtuar se tani është e kënaqur që ka pasur mundësinë që të përjetonte dashurinë e përkushtuar të Dodit.
Annie, tani një autore, libri i fundit i së cilës është “Menopause WTH!”, foli për “The Sun” përpara dokumentarit të Channel 5, “Dodi: Last Days Of A Playboy”.
E martuar pesë herë, Annie, e cila u zbulua si modele në fillim të të 20-tave, ka treguar se u takua me Dodin në verë të vitit 1996, në strehën më dekadente të natës së vonë të Londrës, klubin e natës Tramp.
Në një moment një shoqe e ka pyetur atë nëse do të kërcente me Dodin dhe ajo nuk kishte pranuar. “Ishte mesnatë dhe unë nuk doja të isha atje”, kujton ajo.
Por Dodi dëgjoi përgjigjen e saj, ndërkohë Annie ndryshoi mendjen kur kënga e saj e preferuar, “Gangsta’s Paradise” nga reperi Coolio, filloi të luante.
Natën e parë që ajo qëndroi në apartamentin e Dodi’s Park Lane u ndje si një skenë nga filmi “An Officer And A Gentleman”, sipas Annie.
Si djali i miliarderit, ish pronarit të Harrods, Mohamed Fayed, Dodi kishte në dispozicion avionë privatë dhe jahte.
Kujtojmë se në serinë aktuale të dramës së “Netflix”, “The Crown”, Dodi shihet duke konsumuar kokainë dhe duke bërë dashuri me të dashurën e tij të fundit në një avion privat, të paguar nga babai i tij, por Annie tha se realiteti ishte shumë më pak magjepsës për të.
Annie ishte një fanse e serialit hit të “Netflix”, por ndaloi së shikuari para se të fokusohej në marrëdhënien e famshme të ish-it të saj me Princeshën Diana, të luajtur nga Elizabeth Debicki.
Ajo tha se vendosi të ndërpresë romancën e saj me Dodin, e cila zgjati gati një vit, sepse ajo mendonte se ishte një grua tjetër.
/a.r
