Gazetari Spartak Koka tregoi në një intervistë për “Good morning Albanians” në Euronews Albania se për të kultivuar kanabis në 5 tunelet e Krujës janë investuar 150 deri në 200 mijë euro.
Ndërsa policia informoi se janë 2 ambiente të përshtatura me llamba dhe pajisje të tjera elektrike, për kultivimin e bimëve narkotike, gazetari bëri me dije se në fakt janë 5 tunele.
“Çështja është kush financoi për këtë sipërmarrje, kush e organizoi dhe kush punoi në këto shtëpi bari sepse ka një lloj kostoje të caktuar për t’i kultivuar, për t’i përshtatur. Për shembull te 5 tunelet me një përllogaritje që e bëmë dhe me ekspertët, shkon te diku 150 ose 200 mijë euro investim që nga marrja e linjës elektrike në shtyllën poshtë rrugës kryesore,” – u shpreh Koka.
Gazetari tregoi gjithashtu se 5 tunelet nuk ishin as 250 metra larg në vijë ajrore nga rruga kryesore.
/s.f
