Kryetari i Partisë Demokratike Lulzim Basha ka reaguar për mediat një ditë aps arrestimit të Moisi Habilajt nga autoritetet italiane nën akuzën e trafikut të drogës. Basha e quan Habilajn njeri të Saimir Tahirit dhe sipas kreut të PD, ndalimi i vlonjatit i njohur për lidhjet me Tahirin tregon edhe implikimin e ish-ministrit në trafikun e drogës. Ai shkoi edhe më tej kur tha se autoritetet e huaja kanë informacione për bashkëpunimin e Tahirit me këtë grupim, informacione që sipas Bashës i posedon edhe kryeministri Rama.
“Ne e dimë se është çështje orësh, që lidhjet e Saimir Tahirit të bëhen publike. Ne e dimë se ato të dhëna janë në dorë të Edi Ramës. Pyetja jonë është se çfarë pret Edi Rama? T’i vërë prangat, e mos ta ekstradojë Saimir Tahirin? Natyrisht nuk pres përgjigje prej Edi Ramës. Ai e ka mbrojtur edhe pse e ka ditur se është mbrojtës dhe përfitues i bandës së Habilajve”, deklaroi Basha nga selia e PD.
“Sot është dita që të arrestohet Tahiri dhe të nisë pa vonesa procesi ndaj tij”, tha më tej Basha.
Më tej kreu i opozitës deklaroi se Rama mbron Tahirin pasi ai vetë është i lidhur me bandat që siaps Bashës u përdorën për zgjedhjet.
“Paratë e drogës dhe muskuli i bandave është ëprdorur nga Edi Rama bashkë me Tahirin gjatë zgjedhjeve të 2015-ës e veçanërisht të 2017-ës. E gjithë bota ka provat e lidhjes së Edi Ramës e Saimir Tahirit me narkobandat”, tha ai./a.m.
