Analisti Dritan Hila ishte në ‘Sot Live në Shqipëri’ për të komentuar vizitën e presidentit turk Erdogan në Tiranë ku inauguroi së bashki me kryeminsitrin Rama xhaminë e Namazgjasë.
Hila mori në shqyrtim edhe alarmin që jep Erdogan për organizatën Feto.
‘Kemi një raport tonin me këta individë deri në momentin kur ti të paraqitësh dokumentin që janë terroristë. Gylenistë janë shoqëri masonë. Erdogan është njeri që shfaqet, votohet, ndërsa këto janë shoqëri të fshehta. Kanë ndërhyrë në jetën ekonomike dhe shëndetësi dhe arsim. Ky është arsimi që përgatit njerëzit e rinj.’
Më tej, Hila tregoi dy rrymat e islamit sot në kuadrin gjeopolitik dhe ndikimin e tyre në Shqipëri.
‘Përveç dronëve kamikaz që janë akt simbolik. Neve kemi problemet tona, nuk është problemi i Turqisë që nuk vijnë investitorët. Këtu. Kemi ende ligjin 7500 të pronave. Të del pronari. Nuk thith dot investitorët. Nuk kemi një klimë të favorshme për biznesin. Turqia është shtet laik. Ata që kanë investuar më shumë janë arabo-sauditet. Ka përplasje mes dy rrymave në Islam, e rrymës së Arabisë Saudite, dhe islamit të moderuar, turk dhe shqiptar. Këtë rrymë kemi marrë nga otomanët. Nëse ne e përzëmë Erdoganin, këtu kanë për të hyrë, vahabistët.’
Sipas Hilës ndikimi i Erdogan në Shqipëri ka të bëjë me luftën për ndikimin gjeopolitik në rajon dhe nuk ka gjë të keqe që vendi ynë të mbajë anën e Turqisë.
‘Kjo është një luftë gjeopolitike. Turqia pretendon për të pasur lidershipin e islamit. Kemi një luftë mes islamit të Erdoganit turk dhe islamit të Arabisë Saudite. Nëse tërhiqet vend bosh nuk ka futet tjetri. Nuk ka asgjë të keqe që komuniteti që komuniteti islamik i Turqisë të ndihmojë myslimanët shqiptar. Nuk është ndërhyrje në punët e brendshme.
Në 1805 kur vahabistët me në krye Vahab bën kryengritje kundër Perandorisë Otomane ata që e shtypën ishin shqiptarët dhe iu dha Egjipti Muhamed Aliut.’
/a.r
