Edhe tifozëria e Partizanit ka nisur organizimin e saj në ndihmë të të prekurve. “Ultras Guerrils”, që kishin njoftuar që kishin njoftuar mobolizimin që ditën e djeshme, sot kanë marrë përsipër nismën, duke angazhuar drejtpërdrejt edhe Partizanin. Kampionët e Shqipërisë dhe ultrasit e tyre do të ndihmojnë të prekurit në Thumanë.
NJOFTIMI I GUERRISLASVE
Ultras Guerrils se bashku me FK Partizani ka nisur mbledhjen e ndihmave te Baza 46 per te prekurit nga termeti.
Secili eshte i ftuar qe sipas mundesise te kontribuoje me ushqime,veshmbathje,batanije,ngrohese e cdo gje qe mund ta shihni te arsyeshme se mund te jete e nevojshme per t’ja u lehtesuar sadopak keto dite tmerri.
Te gjitha kontributet do dergohen ne Thumane.
ECiM se bashku!
NJOFTIMI I PARTIZANIT
Klubi Futbollit Partizani nis fushatën e solidaritetit. Falë dhe mbështetjes së disa prej sponsorave tanë, nga dita e nesërme ne do ti gjendemi pranë të dëmtuarve nga tërmeti i tmerrshëm i së martës, për të dhënë sadopak kontributin dhe ndihmën tonë.
Gjithashtu, ftojmë të gjithë qytetarët që dëshirojnë t’i bashkohen kësaj nisme, të dërgojnë ndihmat dhe kontributet e tyre pranë Bazës 46, ku grupimi “Ultras Guerrils” po organizon tashmë grumbullimin e ndihmave për familjet dhe të prekurit nga kjo fatkeqësi natyrore.
#FaleminderitFIOL
#KlubTifozëJemiNjë🔴
