Trajnerit spanjoll, Pep Guardiola, nuk është duke i ecur mirë aventura e tij në kampionatin anglez te skuadra e Manchester Cityt, raporton zeri.info.
Kësisoj trajneri spanjoll po synon që gjatë janarit të përforcohet me futbollistë cilësorë.
Emri kryesor në listën e qytetarëve është ai i mesfushorit spanjoll, Koke.Guardiola është adhurues i madh i futbollistit dhe synon ta transferojë atë qysh në afatin kalimtar të janarit.
Mediet britanike kanë shkruar se Pep ka bërë gati një ofertë të çmendur prej 70 milionë euro për transferimin e Kokes në “Etihad Stadium”.
Gjithsesi Atletico Madrid e vlerëson lart yllin e saj dhe mbetet të shihet nëse do të tundohet nga milionat e Cityt.
Kujtojmë që Koke është rritur në Atletico dhe se 24-vjeçari ka kontratë me “Los Colchoneros” deri në vitin 2019, përgatiti ”Zëri”. (b.an)
