Bayern ka nisur nis kontaktet me Carlo Ancelottin. Ky është lajmi i bujshëm i të përditshmes gjermane Sport Bild, që ka trazuar ujrat në kampin bavarez. Në rast të një largimi të mundshëm të Pep Guardioles drejtuesit e klubit gjerman kanë menduar emrin e Ancelottit për stolin e Bayernit. Në fakt kontaktet lindën në fund të sezonit 2014-2015 kur Real Madrid ndërpreu kontratën me trajnerin italian. Një klub gjigant si Bayerni nuk mund të qëndrojë i varur në fjalët e Pep Guardiolës që gjithnjë deklaron se nuk e ka vendosur akoma të ardhmen e tij nëse do të rinovojë apo jo me bavarezet ndaj alternativa Ancelotti është gjithmonë një zgjedhje e sigurt për ta.
Bild zbulon gjithashtu se 56-vjeçari gjithmonë ka qënë pjesë e listës së trajnerëve të preferuar nga drejtuesit e Bayernit ndaj nuk do të jetë cudi nëse në të ardhmen e shohim në Allianz Arena. Guardiolen e lidh një kontratë deri në verën e 2016 me Bayernin, por klubi i ka vendosur një ultimatum ku i lë kohë trajnerit spanjoll deri më 31 Dhjetor të bëjë të qartë vendimin e tij nëse do të rinovojë kontratën apo jo. I vetmi që beson se Pep do të qëndrojë është Karl-Heinz Rummenigge, përveç tij të gjithë të tjerët nuk e përjashtojnë dhe një përgjigje negative nga Guardiola ndaj kanë marrë masat me një emër të madh si Ancelotti.
