Trajneri i Manchester Cityt, Pep Guardiola, në prag të ndeshjes me Chelsean, i ka thënë fjalët më të mira për homologun e tij te skuadra londineze, italianin Antonio Conte, shkruan zeri.info.
“Mendoj se kolegu im Conte është trajner i nivelit më të lartë. Me punën e tij arriti që Italia të luajë futboll të shkëlqyeshëm, te Juventusi po ashtu dhe këtë sukses e arriti atje ku mbrojtja është themel i çdo gjëje. Conte është menaxher shumë i mirë dhe unë mësoj shumë kur i shoh skuadrat e tij, Juventusin, Italinë dhe tani Chelsean.
E bëj me ëndje një gjë të tillë, sepse e mund të shoh çfarë dëshiron ai nga skuadra. Futbollistët e tij kontrollojnë shumë aspekte të lojës së futbollit. Conte ndoshta është trajneri më i mirë“, ka thënë Guardiola për mediat britanike. (b.an)
