Arrestohet një 49-vjeçar nga Elskoviku pasi goditi me grusht për shkak të detyrës drejtorin e gjimnazit të Leskovikut. Në pranga ka rënë shtetasi Hajri Kardhiqi.
“Arrestimi i tij u bë pasi, dje në qytetin Ersekës, dyshohet se për motive të dobëta dhe për shkak të detyrës, ka goditur me grusht në fytyrë shtetasin V.N, 49 vjeç, Drejtor i shkollës së Mesme Leskovik. Më pas, Kardhiqi gjatë lëvizjes me automjet, nuk i është bindur shërbimeve të Patrullës së Policisë, për të ndaluar dhe për të bërë testin e alkoolit”- tha policia.
Materialet i kaluan Prokurorisë së Rrethit Gjyqësor Korçë, për veprat penale: “Goditjet për shkak të detyrës”dhe “Mosbindja ndaj urdhrit të punonjësit të policisë së rendit publik” parashikuar nga nenet 237 e 242 të Kodit Penal.
