Banorët e Astirit në Unazën e Re kanë dalë sërish mbrëmjen e sotme në protestë në ditën e 16-të kundër projektit të Unazës së Madhe që detyron shpronësimin e tyre.
Me thirrje kundër qeverisë, ata kanë kërkuar dëmshpërblim 100% të pronave të tyre.
Edhe sonte, deputetët e opozitës kanë qenë pranë protestuesve, që kanë hedhur kapsolla e fishekzjarre.
“Shtëpitë tona janë ndërtua me gjak. Poshtë qeveria e korruptuar” – kanë thirrur banorët e zonës së ‘Astirit’.
Ndërkohë, për mediat, ata kanë konfirmuar se një urdhër nga Policia u ka kërkuar që nga dita e nesërme makinat të mos parkohen pranë zonës së shenjuar ku do të prishen ndërtimet.
Nga ana tjetër akte të ashpra dhune janë shënuar në Tiranë ku banorët janë përleshur me forcat e rendit prezente në zonë. Këto të fundit kërkuan zhbllokimin e rrugës gjatë protestës.
Burime nga terreni shprehen se disa persona janë shoqëruar ndërsa efektivët e Komisariatit Nr.6 janë zëvendësuar nga ato të FNSH, që krijuan një kordon sigurie.
/JavaNews/b.d
