Solidaritetit për të prekurit nga tërmeti në Shqipëri i është bashkuar edhe grupi i tifozëve “Plisat”.
Ata kanë marrë me autobusë 30 banorë nga Durrësi, duke i strehuar në Kosovë.
Në një postim në rrjetet sociale ky grup shkroi në orët e vona të mbrëmjes së lënë pas:
“Dita e parë e aksionit përfundoi me sukses!
250 familje u furnizuan me gjërat elementare. Veshmbathje, ushqim, higjienë, batanije dhe barna.
Tashmë morëm rrugën për Prishtinë. Rrugës nuk po kthehemi të vetëm. Bashkë me ne i morëm 30 banorë të Durrësit për t’i strehuar në Prishtinë”.
