Kryetari i PS, Edi Rama, në mbledhjen e grupit të Partisë Socialiste bëri të ditur vendosmërinë e kësaj force politike për të hyrë në zgjedhjet e 18 qershorit, duke dhënë në këtrë mënyrë një përgjigje direkte edhe për kërkesën e PD-së për të shtyrë zgjedhjet parlamentare. Kryeministri socialist u deklaroi anëtarëve të kryesis se “me apo pa Saliun, me apo pa Bashën, do të hymë në zgjedhjet e 18 qershorit”.
“Dilni në terren dhe përgatituni për zgjedhjet. Duhet të kemi rezultat edhe më të thellë se në zgjedhjet e 2013. Alternativa e vetme është hyrja në zgjedhje dhe fitorja”, mësohet të jetë shprehur kreu i PS.
Qëndrimin e Ramës pas mbledhjes së grupit e përforcoi edhe ministrja për Marrëdhëniet me Parlamentin, Ermonela Felaj e cila konfirmoi mbajtjen e zgjedhjeve edhe nëse PD i bojkoton.
“PD duhet të kthehet në komisionet parlamentare. Por zgjedhjet do të zhvillohen edhe pa partinë Demokratike”.
Kryetari i PS urdhëroi që deputetët të dalin që tani në terren dhe të gjenden tëpërgatirur për fushatën elektorale. /javanews.al
ma.me
