Grupi amerikan i hard rock “Guns N’ Roses ‘njoftoi se do të mbajë 21 shfaqje në turne në Amerikën e Veriut, referon BETA.
Anëtarët e grupit kanë dhënë një video të shkurtër në sajtin e tyre, i cili njoftoi shfaqje në 20 qytete të SHBA dhe në Toronto, Kanada, ku ata do të kenë koncerte këtë verë. Grupi, megjithatë, nuk ka saktësuar datat e koncerteve.
Më herët u njoftua se ata do të kenë koncerte në 8 dhe 9 prill në Las Vegas dhe në 19 dhe 20 prill në Meksikë.
“Guns N ” Roses” e ka themeluar në qershor të vitit 1985 në Los Anxhelos këngëtari Uilliam Aksëll Rous, kitaristët Treisi Gans dhe Izi Stredlin, si edhe basisti Oul Bejç(i cili më vonë u zëvendësuar nga Daf Makejgan) dhe bateristi Rob Gardner.
Muzika e tyre, në atë kohë, ishte një përzierje unike e punk, blues dhe glam. Grupi është konsideruar si një nga grupet më me ndikim dhe më të suksesshëm komercial të rock së të gjitha kohërave.
Grupi ka nxjerrë gjashtë albume në studio dhe tre live si edhe tre Video. Këngët e tyre më të famshme janë “November Rain”, “Paradise City”, “Sweet Child O’Mine ‘” dhe “Don’t cry”.
