Bajram Tmava, avokat i njërit prej anëtarëve të Grupit të Badocit, Milazim Haxhiaj, ka folur për vendimin e gjykatës për këtë grup, të cilin e quan skandaloz dhe nuk ka bazë.
Ai, në “Interaktiv” të KTV-së, ka thënë se këtij grupi i është gjetur letra me betimin e ISIS-it, transmeton Koha.net.
Tmava ka thënë se klienti i tij është lajthitur nga anëtarët e tjerë të këtij grupi dhe është kundër ISIS-it. Avokati, më tej, ka thënë se policia është dashur të vëzhgojë nëse është kryer veprimi i paramenduar atje apo jo, duke këmbëngulur në atë se veprimi nuk është kryer te liqeni i Badocit.
“Klienti im nuk është pjesëtar i ISIS-it dhe ka thënë në gjykatë se nuk bën asgjë kundër kombit të tij. Nuk është konstestuese që ai është besimtar i devotshëm”, ka shtuar Tmava. (b.an)
