Grupet e biznesit me ndikim në SHBA po i kërkojnë qeverisë amerikane që të rifillojë bisedimet tregtare me Kinën dhe të adresojë tarifat e rënda nga lufta tregtare SHBA-Kinë, raporton “New York Times”, shkruan “Xinhua”.
Në një letër drejtuar Përfaqësuesit të Tregtisë të Shteteve të Bashkuara dhe Departamentit të Thesarit, grupet e industrisë i kërkuan administratës amerikane të ulë tarifat për mallrat e prodhuara nga Kina që kishin mbetur në vend pas fillimit të luftës së rëndë tregtare dypalëshe.
“Për shkak të tarifave, industritë amerikane përballen me kosto të rritura për prodhimin e produkteve dhe ofrimin e shërbimeve brenda vendit, duke i bërë eksportet e tyre të këtyre produkteve dhe shërbimeve më pak konkurruese jashtë vendit”, -thuhet në artikull.
Organizatat e biznesit mbulojnë bujqësinë, mikroçipin, farmaceutikën dhe industritë e tjera.
