Pas protestës së zhvilluar sot, deputeti i PD, Belind Këllici ka paralajmëruar një “valë” protestash.
Gjatë një interviste televizive, Këlliçi tha se çdo gjë shkoi shumë mirë në tubimin e sotëm, përveç incidentit me djegien e flamurit serb. Ai theksoi se çdo gje u organizua në një kohë të shkurtër, por demokratët iu përgjigjën thirrjes së Berishës.
“Ishte i kënaqshëm fakti që në kaq pak kohë u organizua një protestë e tillë. PD rikthehet në gjurmët e saj në shtratin e saj, tek vlerat kombëtare.
Shkoi shumë mirë, përveç një incidenti të pa nevojshëm që nuk i shërben aspak protestës. Duhet të ishte shmangur. Shihet një protestë model që pati mesazhe të ndjera, dy tematika kryesore “Open Ballkan” por mbi të gjitha për inceneratorët që është afera korruptive më e madhe e shekullit. Do të ketë stinë të gjatë protestash, por do të duhet të ketë një vendimarrje të Komisonit të Rithemelimit të PD”, tha Këlliçi.
/b.h
