Deputetët e Kuvendit të Maqedonisë votuan për heqjen e imunitetit të deputetit dhe ish-kryeministrit Nikolla Gruevski, i cili u arratis nga Maqedonia dhe mori azil në Hungari.
Me 62 vota pro, në mungesë të partisë opozitare të VMRO-DPMNE-së, Kuvendi e pranoi rekomandimin e Komisionit për Çështje të Rregullores dhe Imunitetit.
Në vigjilje të debatit të Parlamentit Europian mbi rezolutën për Maqedoninë pritet që eurodeputetët të kërkojnë ekstradimin e Gruevski.
Zëvendësministri i Jashtëm maqedonas, Andrej Zhernovski, realizoi në prag të këtij takimi një sërë takimesh me disa eurodeputetë. Sipas tij, pritjet janë që amendamenti me të cilën kërkohet ekstradimi i Gruevskit nga Hungaria, të mbështetet nga shumica e eurodeputetëve, sidomos ata socialdemokratë. TCh
