Ish-nëndrejtor i Përgjithshëm i Burgjeve, Iliaz Labi ndodhet nën arrest shtepiak për llogari të një procesi për çështje korrupsioni. Por, megjithëse me masë sigurie, në disa filmime të shpërndara në Instagram nga bashkëshortja e tij, ai e ka thyer masën e gjykatës. Të pyetur nga Top Channel nëse kishte marrë apo jo leje, si prokuroria, si policia u përgjigjen që jo.
Ish zyrtari Labi, gjithashtu i penduari i drejtësisë feston ndërrimin e viteve jashtë shtëpisë dhe me shampanjë. Në procesin gjyqësor ndaj tij i pandehuri mungonte për shkaqe familjare. Gjithsesi mungesa e tij nuk u bë pengesë për bllokimin e procesit.
Edhe ish-eprori i tij, Artur Zoto u soll forcërisht në gjykatë, siç duket nga pamjet filmuara nga Top Channel me një aparat telefonik. Ish-drejtori i Përgjithshëm Zoto dëshmoi në gjyqin e Labit duke treguar se ai prej kohësh kishte marrëdhënie të këqia me ish-vartësin dhe se tenderi i ushqimeve ishte zhvilluar në kushtet e emergjencës, pasi nuk kishte ushqime në burgje. Të dy ish-zyrtarët e burgjeve po gjykohen veçmas, por Iliaz Labi për shkak të bashkëpunimit prej muajsh e ka lënë qelinë. Top Channel
ma.me
