Gjykata pasi u njoh me provat vendosi masën ‘arrest në burg’ për Ilirian Tahmazin, me detyrë Përgjegjës i Sigurimit Teknik.
Ndërsa liroi nga burgu Tomorr Cenën me detyrë Inxhinier Zbatues i Projektit në firmën “Xh & M Sh.p.k” duke e lënë në ‘arrest në shtëpi’ raporton Shqiptarja.
Sipas prokurorisë firma ndërtuese dhe dy inxhinierët akuzohen për shkelje të rregullave në punë dhe mos respektim të rregullave, pasi nëse do të ekzistonte sinjalistika, aksidenti do shmangej.
Nga aksidenti humbi jetën Kristo Panajoti, ndërsa u plagos shoku i tij, për të cilin gjykata vendosi masën ‘arrest në shtëpi’ me mbikëqyrje elektronike.
Aksidenti i rëndë me pasojë vdekjen e të riut ndodhi në 27 nëntor pak para mesnate në aksin rrugor Uji i ftohtë-Skelë, të qytetit të Vlorës, ku makina e tipit “BMW X6” përfundoi në një gropë në kanalin anësor të hapur për ndërtimin e “Lungomares”.
Nga aksidenti mbeti i vdekur 17-vjeçari, Kristo Panajoti, i cili është djali i një biznesmeni të njohur ndërtimi në Vlorë, ndërsa i plagosur mbeti drejtuesi i mjetit Petro Bego 21-vjeç. /a.m.
