Instituti i Sigurisë Ushqimore dhe Veterinarisë ka dalë ditën e sotme në një konferencë, në lidhje me situatën e shkaktuar nga gripi i shpendëve.
Ermira Gjeci, zëvendës ministrja e Bujqësisë tha se janë marrë të gjitha masat, ndërsa shtoi se ISUV ka qenë në monitorim që prej datës 7 mars deri më 17 mars, kur dhe janë zbuluar rastet e para me gripin e shpendëve.
Gjeci theksoi se kjo sëmundje nuk shkakton probleme te produktet dhe nënproduktet e shpendëve dhe në shëndetin e njerëzve.
“Nga data 7 deri në datën 17 mars Shërbimi Veterinar Zyrtar i ministrisë së Bujqësisë ka qenë në ndjekje të të gjithë situatës. Në këto data rezultat e ISUV në bazë të mostrave kanë rezultuar pozitive për laringo trakeit, në datën 19 mars janë marrë mostra të reja nga një subjekt, kanë qenë 18 mostra dhe në është konfirmuar prezenca e gripit të shpendëve.
Veterinerët zyrtarë janë në terren, kanë karantinuar zonën e cila ka rezultuar pozitive. Protokolli parashikon që në rrezen prej 3 kilometrash quhet vatra e infeksionit e cila karantinohet dhe në rrezen prej 10 kilometrash është zona e cila monitorohet. Janë vënë nën monitorim fermat e kësaj zone të cilat gjurmohen dhe dërgohen për analizim. Për sa i përket zonës së karantinën veza është e izoluar, AKU ka marrë masat për këto produkte, por kjo sëmundje nuk shkakton problematika te produktet dhe nënproduktet e shpendëve në shëndetin e njerëzve. Mjafton të merren masat e duhura siç është gatimi i produkteve dhe nënprodukteve në 70 gradë.”- deklaroi ajo.
Ndersa Drejtoresha e Autoritetit Kombëtar të Veterinarisë, Tana Kika ka deklaruar sot në konferencër për mediat se groposja e pulave është vonuar për shkak të mosgjetjes së një vendi të përshtatshëm.
“Kemi dërguar kërkesën në datën 7 Mars. Vendi përcaktohet nga pushteti vendor. Aktualisht është arritur dakordësia dhe do të fillojë largimi i tyre. Kemi bërë kërkesa pafund. Kemi një javë që përpiqemi të gjejmë një vend ku do të groposen kafshët e ngordhura. Në datën 19 Mars u ndryshua kuadri i procedurave. Zbatuam planin e emergjencës për këto sëmundje.
Ligji jonë parashikon edhe groposjen. Edhe metodën e djegies. Secili duhet të shprehet në bazë të legjislacionit për të gjetur vendin e duhur. Ne sot e kemi gjetur vendin dhe shumë shpejt fillon procesi. Ne kemi ndërhyrë në komunikim me mediat. Do iu vëmë në komunikim për vendin sapo të kemi konfirmimin zyrtar.
Duhen shmangur blerjet në rrugë. Është ndaluar shitja e shpendëve të gjallë në tregje. Duhet të drejtohen vetëm në njësitë e shitjes. Në këto raste kur ne garantojmë ë e kemi nën kontroll. Kjo është e domosdoshme për konsumatorin dhe jo emri i kompanive që i tregon ato. Kemi ndaluar hyrje daljet e shpendëve të gjallë dhe daljeve nga etsabilimentet të produkteve vezë. Sepse hyrjet daljet e pakontrolluara mund të sjellë që mund të merret produkti dhe të çohet në ferma të tjera që nuk janë të prekur.
Masat janë marrë në 19 Mars 2022. Kjo do të thotë që vezët që gjenden në treg janë të prodhuara në datat e mëparshme. Vezët mund të qëndrojnë në treg për 21 ditë dhe në rast se nuk shiten kthehen mbrapsht dhe asgjësohen”, tha ato./m.j
