Kandidatja e Partisë Demokratike në zgjedhjet e fundit vendore për Bashkinë Durrës, dhe njëkohësisht sekretare në selinë blu, Grida Duma për herë të parë ka folur për rezultatin e zgjedhjeve. Duma mësohet se fajtor për humbjen e saj në Durrës ka bërë bazën e PD-së në përgjithësi, madje edhe strukturat dhe drejtuesit.
Ajo mësohet të jetë shprehur në mbledhjen e fundit të Kryesisë së PD se nuk ka asnjë faj personalisht dhe aq më tepër përgjegjësi, në një humbje me gati 15 mijë vota.
Në këtë mbledhje Grida Duma gjatë fjalës së saj është ndërprerë nga kreu demokrat Lulzim Basha duke i kërkuar që të flasë në mbledhjen që pritet këto ditë për analizën e humbjes, raporton citynews.al.
“Ashensori i opozitës dhe mesazhi politik nuk zbriti nga qendra në bazë dhe baza nuk po bën opozitë”, ka theksuar Grida në fjalën e saj.
Ajo ka shkuar më tej duke u shprehur se “nuk humbëm sepse u blenë votat, por varfëria dhe situata ekonomike i bëri njerzit më të aksesuseshëm dhe vunerabël”.
Grida Duma, prej disa muajsh po përpiqet që të shmangë përgjegjësinë mbi humbjen në Durrës. Ajo në takime të ngushta artikulon fort se përgjegjësia për humbjen e saj është e degeës të PD Durrës dhe strukturave të kësaj partie.
Përgjegjësi ka dhe qëndra për përcimin e mesazhit politik dhe organizimit. Për Gridën përgjegjësia është PD-ja dhe bazës të saj, ajo vetë ska asnjë përgjegjësi.
Ajo flet për ashensorë dhe aksesim të votuesve por haron çfarë ka thënë në fushatë. Në orën 20.00 të datës 21 qershor në një dalje publike ajo deklaroi fitoren falenderoi qytetarët e Durrësit dhe strukturat e PD-së për fitoren e saj plebishitare e cila rezultoi një humbje e turpshme.
