Ori Nebijaj është kandidatja për deputete në listat e demokratëve për zgjedhjet e 25 Prillit që mund të marrë mandatin e Grida Dumës pas largimit të saj nga Kuvendi një ditë më parë.
Megjithatë, aktualisht Nebijaj ka nisur një projekt të ri në ekran. Nisur nga ky fakt në një reagim në rrjetet sociale ajo ka deklaruar se do të marrë kohën e saj për të baraspeshuar besimin e votuesve dhe marrëdhënien me familjen e saj mediatike.
Nëse Ori Nebijaj do të vendosë të mos hyjë në Kuvend, mandati i Grida Dumës i takon kandidates femër me më shumë vota në listën e demokratëve që vjen në pas moderatores.
Ajo është Lediana Fratari e angazhuar prej disa vitesh pranë Partisë Demokratike. Fratari ishte e 34-ta në listën e demokratëve dhe arriti të marrë 1999 vota.
