Greqia ka demonstruar forcën ushtarake në festën e saj kombëtare që njihet si “Dita e Jo-së”, për përkujtimin e ushtarëve të rënë gjatë luftës italo-greke.
Në Selanik, është mbajtur paradë e madhe në bulevardin kryesor të qytetit, ku kanë parakaluar forcat ushtarake. Ndërsa në ajër kanë demonstruar forcat ajrore me helikopterë dhe avionët F-16.
Ceremonia në Selanik u ndoq nga Presidenti i vendit, Prokopis Pavlopoulos.
Edhe në Athinë u mbajt paradë, ku në rrugë dolën nxënësit e shkollave duke mbajtur flamurin grek, një traditë kjo e hershme në festat e Greqisë.
Në këtë paradë morën pjesë të gjitha shkollat e Athinës. Të pranishëm në aktivitet ishin edhe ministra të qeverisë greke e zyrtarë të tjerë. /e.s/
